Esperanto-kursoj ĉe la Budapeŝta Esperanto-Centro Eventoj

Ĉu vi jam havas vian lingvo-ekzamenon por via diplomo?
^{hungara versio:}

Esperanto-Lernejo
LINGVO-Studio, L.S, Budapest
fondita en 1984

Se vi ne volas elspezi plurajn jarojn por lernado de fremdaj lingvoj, Esperanto estas la bona solvo por vi!

LINGVO-Studio kaj Esperanto-Asocio ĉe Eventoj regule organizas tradiciajn kaj intensajn kursojn por lerni Esperanton. La kursoj estas destinitaj por komencantoj, t.e por tiuj, kiuj ankoraŭ ne lernis la lingvon.

Niaj Esperanto-kursoj preparas la kursanojn al la postuloj de bazaj- kaj meznivelaj ŝtataj ekzamenoj de Hungara Landa Fremd-lingva Centro "OIK". La ekzameno kaj la ricevita diplomo estas la sama, kiel la nova internacia ekzameno de UEA, ja la ekzamenajn diplomojn por tiu eldonas la sama hungaria instanco.
Por la lernado ni uzas la lernilo-kompleton: "Sukcesu en la Esperanto-ekzameno!", verkita de Szilvási László. La baza pakaĵo de tiu lernil-kompleto (lernolibro, sonmaterialo, laborkajero + senpage elŝutebla ekzerca programo!) kostas 5700 Ft-ojn. Dum la kursoj ni detale informas ankaŭ pri la konkretaj ebloj kaj manieroj de la praktika utiligo de Esperanto.

Kutimaj mezgradaj Esperanto-kursoj daŭras averaĝe 100-110 studhorojn. La studkunvenoj okazas 2-foje en semajno po 4 studhoroj, ili komenciĝas kutime je la 17-a horo. La semajnfinaj Esperanto-kursoj okazas en sabatoj, inter 09.00 kaj 12.30 horo.
Antaŭtagmezaj kursoj estas lanĉataj laŭokaze, aŭ laŭ apartaj mendoj. (Mi petas sciigon pri nova kurso!)
Intensaj Esperanto-kursoj (semajne 3x4 studhoroj antaŭ- aŭ posttagmeze) estas lanĉataj laŭokaze, ilia dato kaj daŭro estas agorditaj al la ekzamendato en la ŝtata ekzamena centro. (Mi petas sciigon pri nova kurso!)
Maksimuma amplekso de unu studgrupo estas 14 personoj. Aliĝi – per enpago de la kursokotizo – oni povas ĝis elĉerpiĝo de liberaj lokoj en la grupo.
La registritaj kursanoj – dum la daŭro de ilia koncerna kurso – povas uzi la servojn kaj eblojn de nia propra interreta Esperanto-kurso, kaj povas utiligi ĝiajn interaktivajn ekzercajn taskojn per 70 %-a rabato, t.e. entute por nuraj 4000 Ft-oj (→ ili estas ege efikaj...!).
La Esperanto-kursoj okazas tuj apud la metro-stacio Klinikák en la novaj, modernaj klasĉambroj de Esperanto-Lernejo de Lingvo-Studio kaj Esperanto-Asocio "Eventoj" (vidu en la mapo). Por helpi la instruadon en ĉiu klasĉambro troveblas kompleksa aŭd-videa sistemo kun KD- kaj DVD-ludiloj.
Registritaj niaj studentoj surloke en la kursejo povas aĉeti ĉiujn necesajn instru-materialojn (vortarojn, lernolibrojn, sonmaterialojn, aŭdekzercajn kd-jn, diversajn dvd-jn, ktp).

Informoj pri novaj kursoj:

La 7-an de marto, 2011. – de nulo ĝis la MEZA nivelo – intensa kurso!

– startas de plene komenca (nula) scio-nivelo, 112-hora Esperanto-kurso;
– semajne 3x4 studhoroj;
– stud-kunvenoj lunde + marde + vendrede posttagmeze ekde la 17.00-a horo;
– dato de ekzameno en "Rigó-utca": majo en 2010.
– Kosto: 79 m HUF

– Kurs-gvidanto: Pintér Izabella
– la kurso okazas rekte apud la metrohaltejo Klinikák en la Esperanto-Lernejo de Lingvo-Studio,
strato Üllői, n-ro 95, HU-1193 Budapest. – (vidu en la mapo)

La 19-an de januaro, 2011. – de nulo ĝis la BAZA nivelo – semajne 2 x 4 horoj!

– startas de plene komenca (nula) scio-nivelo, 112-hora Esperanto-kurso;
– semajne 2x4 studhoroj;
– stud-kunvenoj marde kaj ĵaŭde posttagmeze ekde la 17.00-a horo;
– dato de ekzameno en "Rigó-utca": marto en 2011.
– Kosto: 39 m HUF

– Kurs-gvidanto: Székely Vilté
– la kurso okazas rekte apud la metrohaltejo Klinikák en la Esperanto-Lernejo de Lingvo-Studio,
strato Üllői, n-ro 95, HU-1193 Budapest. – (vidu en la mapo)

La 8-an de februaro, 2011. – de nulo ĝis la MEZA nivelo – semajne 2 x 3 horoj!

– startas de plene komenca (nula) scio-nivelo, 118-hora Esperanto-kurso;
– semajne 2x3 studhoroj;
– stud-kunvenoj marde kaj ĵaŭde posttagmeze ekde la 16.30-a horo;
– dato de ekzameno en "Rigó-utca": junio en 2011.
– Kosto: 79 m HUF

– Kurs-gvidanto: Baloghné Fodor Éva
– la kurso okazas rekte apud la metrohaltejo Klinikák en la Esperanto-Lernejo de Lingvo-Studio,
strato Üllői, n-ro 95, HU-1193 Budapest. – (vidu en la mapo)

Neligite al dato → INTERRETA TELEKURSO!
Se vi loĝas malproksime de Budapeŝto, aŭ se la supraj datoj ne estas konvenaj, verŝajne la interreta, interaktiva nia tele-kurso estas la bona solvo por vi. Instruisto korektos kaj resendos viajn hejmajn taskojn, la lernadon vi povas komenci iam ajn, kaj la rapideco de via progreso dependas NUR-NURE de vi! - Por pliaj informoj klaku ĉi tie!

Aliĝo, registriĝo

Aliĝi kaj registriĝi oni povas ĝis la komenciĝo de la kursoj, pli ĝuste ĝis estas liberaj lokoj en la grupo.

Aliĝi al iu kurso vi povas persone en la oficejo de Budapeŝta Esperanto-Domo, en labortagoj, inter 10-17-a horoj per samtempa enpago de la kurso-kotizo, krome
vi povas aliĝi al iu stud-grupo ankaŭ pertelefone, kaj post la registrado la kurso-kotizon vi povas pagi (sen persona alveturo) perpoŝte aŭ perbanke.

Adreso de nia organiza oficejo:: 1193 Budapest, strato Leiningen n-ro 4, telefono: +36-1-282.88.85 (en labortagoj, inter 10-17 horoj).
Al la oficejo vi povas veturi de la metrohaltejo Kőbánya-Kispest per la aŭtobuso 182 aŭ 184, vi devas eliri ĉe la 2-a haltejo, antaŭ la fervoja kruciĝo. - Vidu en la mapo!

Volonte ni respondas al via ajna demando. Ni atendas vian aliĝon!

Kollár Lejla, organizanto de kursoj,
Telefono: +36-1-282.88.85 (en labortagoj inter 10.00 ĝis 17.00)

Szilvási László,
gvidanto de la Esperanto-Centro

www.esperanto.hu Hungaria Esperanto-Libroservo interreta E-kurso ĉe Eventoj

Ĉu vi jam havas vian lingvo-ekzamenon por via diplomo?	^{hungara versio:}

*Esperanto-Lernejo*	LINGVO-Studio, L.S, Budapest fondita en 1984